Prezident Rejep Tayyip Erdo‘g‘an ayrim hamkasblari bilan telekonferensiya orqali muloqot qilib, unda Eron va Yaqin Sharqdagi oxirgi vaziyatlarni muhokama qildi. Bu haqida Turkiya Respublikasi Prezidenti Administratsiyasi huzuridagi axborot va kommunikatsiyalar boshqarmasi tomondan ma’lumot bo‘lishildi. Ushbu ma’lumotga ko‘ra uchrashuvda AQSh Prezidenti Donald Tramp, Bahrayn Qiroli Hamad bin Iso al - Xalifa, Birlashgan Arab Amirliklari Prezidenti Shayx Muhammad bin Zoid al - Nahayon, Qatar Amiri Shayx Tamim bin Hamad al - Soniy, Misr Prezidenti Abdulfattoh as - Sisiy, Saudiya Arabistoni valiahd shahzodasi Muhammad bin Salmon, Iordaniya Qiroli Abdulla II va Pokiston Qurolli kuchlari bosh qo‘mondoni Asim Munir hamda AQSh prezidentlik kabineti a’zolari ham ishtirok etdi.
Prezident Erdo‘g‘an Eron va Yaqin Sharqdagi vaziyat muhokama qilingan uchrashuvda Turkiya har doim muammolarni muloqot va diplomatiya yo‘li orqali hal qilish tarafdori ekanini ta’kidladi. U Eron bilan diplomatik jarayon AQSh Prezidenti Donald Tramp tilga olgan darajaga yetganidan mamnunligini bildirib, erishiladigan kelishuv Ho‘rmuz bo‘g‘ozidan erkin o‘tishni ta’minlash orqali mintaqa barqarorligini qo‘llab - quvvatlashini, bu esa jahon iqtisodiyotiga ham ijobiy ta’sir ko‘rsatishini qayd etdi.
Muzokara jarayoniga hissa qo‘shgan davlatlarga chuqur minnatdorlik bildirgan Erdo‘g‘an, Eron bilan erishilish mumkin bo‘lgan kelishuvni amalga oshirish bosqichida Turkiya har qanday yordamni ko‘rsatishga tayyor ekanini ifoda etdi. Shuningdek, Turkiya butun mintaqada tinchlik hukm surishi uchun chora ko‘rayotgani va Eron masalasida, jumladan yadro muammosi kabi murakkab ko‘rinayotgan mavzularda ham vaqt o‘tishi bilan maqul yechimlar topilishiga ishonchi komil ekanini bildirdi.
Prezident Erdo‘g‘an, uchrashuvda, Turkiya mintaqa davlatlari bir - biriga tahdid solmaydigan yangi davrni istashini va adolatli tinchlikda yutqazuvchi tomon bo‘lmasligini ta’kidladi.
