Tehron esa bunga javoban Iordaniyadagi Amerika harbiy bazasiga bir nechta ballistik raketa bilan zarba berdi.

Iordaniya davlat axborot agentligi chorshanba kuni mamlakat Qurolli kuchlariga tayanib xabar berishicha, havo mudofaa tizimlari Eron hududidan uchirilgan 20 ta ballistik raketadan 18 tasini yo‘q qilgan. Havoda urib tushirilgan raketalarning portlashlari Suriya poytaxti Damashqdan ham ko‘ringan.

Eronning IRNA davlat axborot agentligi chorshanba kuni ertalab tarqatgan xabarida Tehron Kuveyt va Bahrayn qirg‘oqlaridagi neft tankerlarini nishonga olish orqali javob qaytarishni davom ettirishini bildirdi va kemalar ekipajlarini ularni zudlik bilan tark etishga chaqirdi. Eron har ikki davlatni AQSh kuchlariga mezbonlik qilish hamda hujumlarga ko‘maklashishda aybladi.