AQSh senatori Kris Merfi Prezident Donald Trampning Eronga nisbatan kuchayib borayotgan tahdidlarini keskin qoraladi va harbiy bo‘lmagan infratuzilmaga qarshi hujum uyushtrish rejalari “urush jinoyati” hisoblanishi haqida ogohlantirdi.
Merfi dushanba kuni (06.04.2026) respublikachi yetakchilarni chora ko‘rishga chaqirib: “Tramp bugun jurnalistlarga qo‘ng‘iroq qilib, ularga ommaviy urush jinoyatlarini sodir etishi haqida ma’lumot bermoqda”, - dedi.
Tanqidlar, Trampning, Ho‘rmuz bo‘g‘ozi qayta ochilmagudek bo‘lsa unda Eronning elektr stansiyalari va ko‘priklarini nishonga olishini aytishi ortidan kuchaydi. Tanqidchilar bu kabi qadam tinch aholi hayotini murakkablashtirishi mumkinligini ta’kidlashmoqda.
Siyosiy reaksiyalar kuchaymoqda
Merfi, infratuzilmani nishonga olgan ozgina hujum ham minglab tinch aholi vakilining o‘limiga olib kelishi va kutilgan maqsadga erishilishiga imkon bermasligini qayd etdi. “Ko‘priklar va elektr stansiyalarini portlatish… bu ochiq - oydin urush jinoyatidir”, - dedi.
Boshqa yetakchi siyosatchilar ham tanqidga qo‘shildi. Senator Bernie Sanders va Senat ko‘pchilik yetakchisi Chuck Schumer, Trampning bayonotlarini qoraladi. Senator Elissa Slotkin esa bunday harakatlar qurolli mojarolar huquqini buzishi mumkinligini aytdi.
Yassamin Ansari, Trampning so‘zlarini milliy xavfsizlikka tahdid deb baholadi. Sobiq vakil Marjorie Taylor Greene esa bu strategiya strategik maqsadlarga erishish o‘rniga eronlik tinch aholiga ziyon yetkazishini ta’kidladi.
Keskinlashuv xavfi ortmoqda
Tramp so‘nggi kunlarda ogohlantirishlarini kuchaytirdi va Ho‘rmuz bo‘g‘ozi atrofidagi keskinliklar global energiya narxlarini oshirib borar ekan, keng ko‘lamli hujumlar bilan tahdid qilmoqda.
Tanqidchilarga ko‘ra harbiy bo‘lmagan infratuzilmani nishonga olish nafaqat ommaviy qurbonlar xavfini oshiradi, balki mojaroni kengaytirib; global beqarorlikni yanada chuqurlashtirishi mumkin.
