Turkiyaning turizm shahri Antaliya aprel oyida yana bir bor global diplomatiya markazlaridan biriga aylanadi. Chunki jahon yetakchilari, vazirlar va yuqori martabali rasmiylar xalqaro taqvimdagi eng muhim forumlardan biri uchun to‘planadi.
“Kelajakni loyihalash, noaniqliklarni boshqarish” mavzusi ostida o‘tkaziladigan Antalya Diplomatiya Forumi 2026 yetakchilarni global beqarorlikni muhokama qilish va xalqaro diplomatiyaning kelajagiga yo‘nalish berish maqsadida bir joyga jamlaydi.
Beshinchi Antalya Diplomatiya Forumi 17 – 19 aprel kunlari Antaliyada bo‘lib o‘tadi.
2021 - yilda boshlanganidan beri ushbu forum muloqot, hamkorlik va yuqori darajadagi diplomatik aloqalar uchun dunyodagi yetakchi platformalardan biriga aylangan.
Bu yilgi forumda 150 nafardan ortiq mamlakatdan davlat rahbarlari, vazirlar va xalqaro tashkilotlarning yuqori martabali vakillarini qabul qilish kutilmoqda.
Turkiya Respublikasi Tashqi Ishlar vazirligi manbalariga ko‘ra forumda 20 dan ortiq davlat rahbari, 15 vitse - prezident va 50 dan ortiq tashqi ishlar vazirining ishtiroki kutilmoqda.
Forum 460 dan ortiq yuqori darajali ishtirokchini, jumladan xalqaro tashkilotlarning taxminan 75 vakilini va qariyb 5 ming mehmonni bir joyga jamlashi kutilmoqda.
Manbalarga ko‘ra ADF26 da keng geografik vakillik bo‘ladi; ishtirok etadigan davlat rahbarlarining deyarli yarmi Afrika va Yevropadan keladi.
Tashqi Ishlar vazirlari orasida esa ishtirokchilarning 40 foizi Afrikadan, 35 foizi Yevropadan va 22 foizi Osiyodan bo‘ladi.
O‘nlab sessiyalar global masalalarni muhokama qiladi
Dasturda global transformatsiya, noaniqlik va o‘zgarayotgan mintaqaviy muvozanatlarni muhokama qiluvchi 40 dan ortiq sessiya hamda yetakchilar darajasidagi panellar o‘rin oladi.
Muzokaralarda shuningdek o‘zgarayotgan global tartibni shakllantirayotgan siyosiy, iqtisodiy, ekologik va texnologik muammolar ham ko‘rib chiqiladi.
Yon tadbirlarda esa Bolqonlar Tinchlik Platformasi, G‘azo, Turk davlatlari hamda Turkiya, Pokiston, Saudiya Arabistoni va Misr ishtirokidagi to‘rt tomonlama uchrashuv kabi mavzular
