Isroil qo‘shini juma kuni, fevral oyi oxirida AQSH bilan birgalikda boshlangan urush davomida Eronga qarshi 10 800 dan ortiq havo zarbalari berilganini ta’kidladi. Harbiylar taqdim etgan ma’lumotlarda Vashington va Tehron o‘rtasida 8-aprel kuni vaqtincha sulh o‘rnatilgunga qadar olib borilgan amaliyotlar tafsilotlari keltirilgan.
Ular Eron hududidagi 4 000 ta strategik inshoot va 6 700 ta harbiy nuqta nishonga olinganini, qariyb 40 kun davom etgan havo amaliyotlari davomida o‘nlab jangovar samolyotlar bir vaqtning o‘zida qatnashganini bildirdi. Isroil, shuningdek, hujumlarda 18 000 dan ortiq o‘q-dori ishlatilganini va bu ko‘rsatkich o‘tgan yil iyun oyida Eronga qarshi olib borilgan 12 kunlik harakatlarda foydalanilganidan deyarli besh baravar ko‘p ekanini ma'lum qildi.
Ushbu ma’lumotlar mustaqil manbalar tomonidan tasdiqlanmagan. Mintaqaviy keskinlik 28-fevralda AQSH va Isroil Eronga qarshi hujum boshlaganidan buyon keskin darajaga yetdi. Tehron Isroilni nishonga olgan dron va raketa zarbalari bilan javob qaytardi; shuningdek, u Iordaniya, Iroq va AQSH harbiy bazalari joylashgan Fors ko‘rfazi mamlakatlariga ham zarbalar yo‘lladi. Eron Hormuz bo‘g‘ozi orqali kemalar harakatini ham cheklab qo‘ydi.
Pokiston; Turkiya, Xitoy, Saudiya Arabistoni va Misr bilan birgalikda, urush boshlanganidan 40 kun o‘tib, chorshanba kuni Vashington va Tehron o‘rtasida ikki haftalik vaqtincha sulhga erishishga muvaffaq bo‘ldi. Kelishuv doirasida tomonlar barqaror tinchlik bo‘yicha muzokaralar o‘tkazish maqsadida Islomobodda uchrashishga kelishib oldilar.
