Janubiy Koreya va Fransiya harbiy-havo kuchlari o‘rtasidagi hamkorlikni kuchaytirish maqsadida qo‘shma havo mashg‘ulotini o‘tkazdi.
Janubiy Koreya Harbiy-havo kuchlari qo‘mondonligi bayonotida mashg‘ulot seshanba kuni poytaxt Seuldan qariyb 110 kilometr janubda joylashgan Cheongju havo bazasida boshlangani bildirildi.
Bayonotda bu ikki mamlakat o‘rtasida so‘nggi uch yil ichida o‘tkazilgan ilk qo‘shma havo mashg‘uloti ekani qayd etildi.
Mashg‘ulotda Janubiy Koreyaning F-35A rusumli ko‘rinmas jangovar samolyotlari va KC-330 Cygnus ko‘p maqsadli yonilg‘i quyish samolyotlari, Fransiya Harbiy-havo kuchlarining esa ikkita Rafale jangovar samolyoti hamda bitta A-330 yonilg‘i quyish samolyoti ishtirok etdi.
Fransiya guruhi ittifoqchi kuchlar bilan birgalikda tiyib turish salohiyatini sinovdan o‘tkazishga qaratilgan «Pegase» missiyasi doirasida Janubiy Koreyaga borgani bildirildi.
Mashg‘ulot doirasida ikki mamlakat harbiy-havo kuchlari havoda o‘zaro yonilg‘i quyish va taktik parvozlarni amalga oshirgani ta’kidlandi.
