Yarim rasmiy "Tasnim" axborot agentligi Eronning "Xotam al-Anbiyo" harbiy qarorgohi Ummon ko'rfazida bir kemaga AQSH armiyasi tomonidan qilingan hujumni tasdiqlaganini xabar qildi. Tehron Eron bayrog'i ostidagi kema egallab olinganidan so'ng, "dengiz qaroqchiligi" deya ta'riflangan ushbu harakatga qarshi "tez orada" javob qaytarishini aytdi.

Harbiy qarorgoh: "Bosqinchi Amerika otashkesimni buzib va dengiz qaroqchiligi qilib, Ummon dengizi suvlarida Eronning tijorat kemalaridan biriga o't ochdi va navigatsiya tizimini ishdan chiqardi", deb bayonot berdi. Shuningdek, Xitoydan Eronga qarab ketayotgani aytilgan kema, AQSH "mazkur kema sahniga bir necha terrorist dengizchini joylashtirganidan" so'ng qo'lga olingani tasdiqlandi.

Tehron qurolli talonchilikka qarshi harbiy javob qaytarishini bildirdi

Eronning oliy harbiy qo'mondonligi Eron Islom Respublikasi Qurolli Kuchlari AQSH armiyasining ushbu "qurolli talonchiligi"ga javob qaytarishi haqida ogohlantirdi. Eron rasmiylari, shuningdek, hodisadan so'ng Eron kuchlari AQSHning ba'zi harbiy kemalariga uchuvchisiz uchish apparatlari (dronlar) bilan hujum qilganini iddao qildi.

Bayonotda: "Eron Islom Respublikasi Qurolli Kuchlari ushbu qurolli qaroqchilikka tez orada javob qaytarishi va qasos olishi haqida ogohlantiramiz", deyilgan. Eron davlat ommaviy axborot vositalari ushbu hodisa otashkesimning to'g'ridan-to'g'ri buzilishi ekanini ta'kidlamoqda.