Falastinning rasmiy WAFA axborot agentligi xabariga ko‘ra o‘nlab noqonuniy isroillik ko‘chmanchi Isroil kuchlari himoyasi ostida ishg‘ol ostidagi Sharqiy Quddusdagi al - Aqso jome’ masjidi majmuasiga bostirib kirdi.
WAFA ma’lumotiga ko‘ra mahalliy manbalar noqonuniy ko‘chmanchilar payshanba kuni ertalab (14.05.2026) Isroil himoyasi ostida majmuaga kirib, uning hovlilarida ochiq - oydin Talmud diniy marosimlarini o‘tkazganini bildirgan.
Ushbu al - Aqso jome’ masjidi musulmonlar uchun dunyodagi eng muqaddas uchinchi maskan hisoblanadi. Yahudiylar bu hududni «Ma’bad tog‘i» deb ataydi va qadimda bu yerda ikki yahudiy ibodatxonasi bo‘lganini iddao qiladi.
Isroil politsiyasi 2003 - yildan buyon juma va shanba kunlaridan tashqari vaqtlarda noqonuniy ko‘chmanchilarning al - Aqso jome’ masjidi majmuasiga kirishiga ruxsat berib kelmoqda.
Falastin Vaqflar va diniy ishlar vazirligi ma’lumotiga ko‘ra joriy yilning aprel oyida noqonuniy isroillik ko‘chmanchilar masjidga 30 marta bostirib kirgan.
Falastinliklarning ta’kidlashicha, Isroil o‘nlab yillardan beri al - Aqso jome’ masjidi ham doxil ishg‘ol ostidagi Sharqiy Quddusni yahudiylashtirish harakatlarini kuchaytirib, shaharning falastinlik va islomiy kimligini yo‘q qilishga urinmoqda.
Falastinliklar, 1967 - yildagi Isroil ishg‘oli hamda 1980 - yildagi noqonuniy anneksiyani tan olmagan xalqaro qarorlarga tayangan holda Sharqiy Quddusni bo‘lajak davlatlarining poytaxti deb biladi.
