Oq uy rasmiysi, AQSH vitse-prezidenti J.D. Vensning Eron bilan ikkinchi davra muzokaralari uchun Pokistonga rejalashtirilgan safari seshanba kuni amalga oshmasligini ma’lum qildi. Matbuot xizmati vakili: "AQSH Prezidenti Donald Trumpning AQSH Erondan yaxlit bir taklif kutayotganini tasdiqlovchi Truth Social tarmog'idagi posti ortidan, Pokistonga safar bugun amalga oshmaydi", degan so'zlarni keltirdi.

Trump seshanba kuni, Pokiston rasmiylarining talabiga binoan, Vashington Tehronga "yaxlit taklif" tayyorlashi uchun vaqt berish maqsadida Eron bilan o't ochishni to'xtatish kelishuvini uzaytirishini aytdi.

Bu bayonot, Vens boshchiligidagi AQSH hay’atining seshanba kuni Eron bilan yuzma-yuz ikkinchi davra muzokaralar o'tkazish uchun Islomobodga borishi kutilayotgan vaqtda berildi; ammo AQSH rasmiylariga ko'ra, safar Oq uydagi qo'shimcha siyosiy uchrashuvlar sababli kechiktirildi.

Muzokaralar, shu oy boshida Pokistonda o'tkazilgan va hech qanday siljishsiz yakunlangan yuqori darajadagi uchrashuvlardan keyingi ikkinchi davra bo'lishi kerak edi. Shu oy boshida e’lon qilingan o't ochishni to'xtatish kelishuvining muddati chorshanba kuni yakunlanishi kutilayotgan edi.