Isroil armiyasining sulhga qaramay G‘azo sektoriga uyushtirgan hujumlarida so‘nggi 24 soatda 9 kishi hayotdan ko‘z yumdi.
G‘azodagi Sog‘liqni saqlash vazirligining yozma bayonotida Isroilning 2023-yil oktabrdan buyon G‘azoga uyushtirgan hujumlarida qayd etilgan insoniy yo‘qotishlarga oid so‘nggi ma’lumotlar e’lon qilindi.
Sulhga qaramay Isroil hujumlari davom etayotgan G‘azoda so‘nggi 24 soatda 9 kishi, jumladan, avval yaralangan bir kishi halok bo‘lgani, yana 31 kishi yaralangani bildirildi.
G‘azoda sulh kuchga kirgan 2025-yil 10-oktabrdan buyon Isroil hujumlarida 1431 kishi hayotdan ko‘z yumgani, 5026 kishi yaralangani, vayronalar ostidan esa 834 kishining jasadi chiqarilgani qayd etildi.
Isroilning 2023-yil oktabrdan buyon G‘azo sektoriga uyushtirgan hujumlarida halok bo‘lganlarning umumiy soni 74 ming 32 nafarga, yaradorlar soni esa 175 ming 142 nafarga yetgani ma’lum qilindi.
G‘azo sektorida vayronalar ostida hali ham minglab jasadlar borligi aytilmoqda.
