Nurlan Abdirov poytaxt Ostonada o‘tkazgan brifingda mamlakatda 12 million 623 ming 289 nafar fuqaro ovoz berish huquqiga ega bo‘lganini, 9 ming 865 nafar saylovchi esa xorijda istiqomat qilishini bildirdi.

Abdirovning ma’lum qilishicha, saylovda 9 million 351 ming 539 kishi qatnashdi. Dastlabki ma’lumotlarga ko‘ra, saylovchilarning ishtirok darajasi 74,08 foizni tashkil etdi.

Saylovning dastlabki natijalariga ko‘ra, unda qatnashgan yettita siyosiy partiya orasida “Adilet” partiyasi 71,17 foiz ovoz bilan katta farq ila birinchi o‘rinni egalladi. “Auyl” partiyasi 6,26 foiz ovoz bilan ikkinchi, “Respublica” partiyasi esa 5,56 foiz bilan uchinchi bo‘ldi.

Yettita siyosiy partiyadan beshtasi Qurultoyga kirish huquqini qo‘lga kiritdi

“Ak Jo’l” demokratik partiyasi 5,21 foiz, Umummilliy sotsial-demokratik partiya — OSDP 5,11 foiz, Qozog‘iston Xalq partiyasi 3,11 foiz, Qozog‘istonning “Baytaq” Yashillar partiyasi esa 1,07 foiz ovoz oldi. “Barchasiga qarshi” variantini tanlagan saylovchilar ulushi 2,51 foizni tashkil etdi.

Saylovda qatnashgan yettita siyosiy partiyadan 5 foizlik saylov chegarasidan o‘tgan beshtasi Qozog‘istonning bir palatali Qurultoyiga kirish huquqini qo‘lga kiritdi.

Hukmron “Adilet” partiyasi, shuningdek, “Auyl”, “Respublica”, “Ak Jo’l” demokratik partiyasi va Umummilliy sotsial-demokratik partiya — OSDP 145 o‘rinli Qurultoyda vakillarga ega bo‘ladi.

Qozog‘istonda kecha bir palatali Qurultoyning ilk a’zolarini aniqlash uchun saylov o‘tkazilgan edi.