Hantavirus avj olgan kruiz kemasidagi AQSh fuqarosining testi ijobiy chiqdi.
AQSh Sog‘liqni saqlash departamenti xabariga ko‘ra, hantavirus tarqalgan kruiz kemasidan evakuatsiya qilingan 17 nafar amerikalikdan birida virus testi natijasi "yengil ijobiy" chiqqan.
Departament bayonoti Sog‘liqni saqlash va ijtimoiy xizmatlar departamenti yakshanba kuni bergan ma’lumotda shunday deyiladi:
"Hozirda bir yo‘lovchida kasallikning yengil belgilari kuzatilmoqda, yana bir yo‘lovchining PCR testi esa Andes virusiga nisbatan yengil ijobiy natija berdi."
Ehtiyot chorasi sifatida, har ikkala yo‘lovchi samolyot ichidagi maxsus biologik izolyatsiya bo‘limlariga joylashtirilgan holda AQShga olib kelinmoqda.
Keyingi choralar va joylashtirish Ispaniyaning Kanar orollaridan evakuatsiya qilingan AQSh fuqarolari Nebraska shtatidagi maxsus karantin markaziga olib boriladi. Kasallik belgilari mavjud bo‘lgan shaxs esa alohida tibbiy markazga joylashtirilishi ko‘zda tutilgan. Mutasaddilarning ta’kidlashicha, yetib kelgan barcha fuqarolar to‘liq tibbiy ko‘rikdan o‘tkazilib, holatiga ko‘ra zaruriy yordam va nazorat bilan ta’minlanadi.
Kasallik haqida ma'lumot
MV Hondius kemasida ushbu virus tufayli uch nafar yo‘lovchi vafot etdi.
Hantavirus odatda kemiruvchilar orqali yuqadigan kamyob kasallikdir, biroq mazkur vaziyatda aniqlangan shtammning (Andes virusi) o‘ziga xosligi shundaki, u odamdan odamga yuqish xususiyatiga ega.
Avvalroq ushbu kemadan evakuatsiya qilingan fransiyalik yo‘lovchida ham vataniga qaytish reysi davomida virus belgilari aniqlangan edi.
Ispaniya rasmiylarining munosabati Ispaniya hukumati virus tashuvchi kemiruvchilarning qirg‘oqqa yetib borishi haqidagi xavotirlarni asossiz deb atadi. Mutaxassislarning tushuntirishicha, ushbu shtammga xos bo‘lgan Janubiy Amerikaning And tog‘lari mintaqasidagi kemiruvchilarning ochiq dengizdan suzib qirg‘oqqa o‘tish ehtimoli amalda "nolga teng".
