Ishg‘ol ostidagi Sharqiy Quddusdagi al - Aqso jome’ masjidi hovlilari to‘rt kun davom etadigan Qurbon hayitining birinchi kuni — chorshanba kuni hayit namozini ado etgan musulmonlar bilan to‘ldi.
Musulmonlar bu kunda Hazrati Ibrohimning fidoyiligini yod etish uchun qurbonlik qiladi va qurbonlik go‘shtlari jamiyatdagi kambag‘allarga tarqatiladi.
Musulmon taqvimining eng muhim bayramlaridan biri bo‘lgan Qurbon hayiti bu yil 2025 - yilning oktabr oyida kuchga kirgan sulh kelishuviga qaramay Isroil tomonidan davom etayotgan qoidabuzarliklar davriga to‘g‘ri keldi.
Bayram oldidan Isroil armiyasi ishg‘ol ostidagi G‘arbiy Sohil janubidagi Falastin shaharchalariga bosqin uyushtirib, savdogarlarni do‘konlarini yopishga majbur qildi, mahalliy aholiga hujum qildi. Bu haqida guvohlar va Falastin davlat OAVlari xabar berdi.
Bosqinlar Falastin hukumati davlat xizmatchilarining maoshlarining bir qismini to‘lashi ortidan, shaharcha markazlari bayramga tayyorgarlik ko‘rayotgan insonlar bilan gavjum bo‘lgan va savdo eng qizg‘in pallaga kirgan vaqtda amalga oshirildi.
Asosiy bosqin al - Xalil janubidagi Dura shaharchasiga qaratildi. Guvohlar Anado‘lu axborot agentligi (AA) Isroil harbiy texnikalari katta olomon paytida shaharcha markaziga kirgani, askarlar ko‘chalarga tarqalgani, ko‘zdan yosh oqizuvchi gaz bombalarini qo‘llagani va savdogarlarni do‘konlarini yopishga majbur qilganini ifoda etdi.
Hujumlar Isroil armiyasi 2023 - yilning oktabr oyida G‘azoda boshlagan genotsiddan buyon ishg‘ol ostidagi G‘arbiy Sohilda qotilliklar, hibsga olishlar, shahar va shaharchalarga bosqinlar, uy tintuvlari hamda mulklarni vayron qilish kabi amaliyotlarni kuchaytirgan bir davrda sodir bo‘ldi.
