Respublikachilar partiyasi a’zosi Uilson AQShda joylashgan X kompaniyasining ijtimoiy tarmog‘idagi sahifasida Turkiya, Saudiya Arabistoni va Pokiston o‘rtasida imzolangan ittifoq kelishuvi haqida fikr bildirdi.

Amerikalik siyosatchi: “Makka mudofaa ittifoqi Yaqin Sharq NATO‘siga aylanish salohiyatiga ega”, dedi.

Uilson: “Husiylarning Eron qo‘llab-quvvatlayotgan tajovuziga qarshi ittifoqni harakatga keltirgani uchun ittifoqchilarimiz Turkiya, Pokiston va Saudiya Arabistonidan minnatdorman”, deya qayd etdi.

Turkiya, Saudiya Arabistoni va Pokiston tashqi ishlar vazirliklari bugun bo‘lib o‘tgan Makka mudofaa ittifoqi Strategik siyosiy va mudofaa qo‘mitasining navbatdan tashqari yig‘ilishi yuzasidan qo‘shma bayonot e’lon qilgan edi.

Saudiya Arabistoni poytaxti Riyoddagi yig‘ilishdan so‘ng e’lon qilingan qo‘shma bayonotda quyidagi fikrlar bildirilgan edi:

“Qo‘mita jamoaviy mudofaa majburiyatlarini bajarishga zudlik bilan kirishishga qaror qildi. Shu doirada, tomonlarning milliy qonunchiligiga muvofiq ravishda, kelishilgan harbiy kuchlar va salohiyatni Saudiya Arabistoniga taqdim etish hamda kelishilgan tartiblar asosida ularni tezkor joylashtirish choralarini ko‘rish belgilandi. Shu orqali tahdidlarga qarshi kurashga tayyorgarlik darajasi, harbiy integratsiya va jamoaviy salohiyatni mustahkamlash ko‘zda tutilgan.”