Vazirlikning yozma bayonotida Turkiy davlatlar tashkiloti mushtarak tarix, til va qardoshlik rishtalaridan kuch olib, turkiy dunyo o‘rtasidagi birdamlikni institutsional asosda mustahkamlagan hamda hamkorlikni kuchaytirgan muhim platformaga aylangani ta’kidlandi.

Bayonotda Turkiya 29–30-oktabr kunlari Turkiy davlatlar tashkilotining 13-sammitiga mezbonlik qilishi qayd etilib, “29–30-oktabr kunlari mamlakatimiz mezbonligida o‘tkaziladigan Turkiy davlatlar tashkilotining 13-sammiti ushbu hamkorlikni yanada yuqori bosqichga olib chiqadi”, deyiladi.

Shuningdek, Turkiya turkiy dunyoning insoniy, iqtisodiy va strategik salohiyatini umumiy farovonlikka aylantirish yo‘lidagi sa’y-harakatlarini davom ettirishi bildirildi.

“Turkiya turkiy dunyoning insoniy, iqtisodiy va strategik salohiyatini umumiy farovonlikka aylantirish hamda Turk asrini birlik va birdamlik ruhida barpo etish maqsadida o‘z faoliyatini qat’iyat bilan davom ettiradi”, deyiladi bayonotda.