Departament Xalqaro qurol savdosi qoidalariga (ITAR) kiritilgan o‘zgartirish bilan Suriya mudofaa mahsulotlari va xizmatlarini eksport hamda import qilish uchun litsenziya berish rad etiladigan davlatlar ro‘yxatidan chiqarilganini bildirdi.
Federal reyestrda e’lon qilingan yakuniy nizomda ushbu o‘zgartirish Davlat kotibining 2026-yil 19-avgustda qabul qilgan yangi mudofaa savdosi siyosatiga oid qaroriga muvofiq amalga oshirilgani qayd etildi.
Yangi siyosat doirasida Suriyaga mudofaa mahsulotlari va xizmatlarini yetkazib berish bo‘yicha arizalar ilgari ITAR doirasida qo‘llangan yalpi rad etish siyosati o‘rniga har bir holat bo‘yicha alohida ko‘rib chiqilib, litsenziyalanishi bildirildi.
Bayonotda maqomning o‘zgarishi terrorizmni qo‘llab-quvvatlovchi davlat sifatida belgilash haqidagi qarorning bekor qilinishi kabi zarur huquqiy shartlar bajarilgani hamda AQSHning tegishli qonunlari doirasidagi ayrim cheklovlardan ozod etilganidan so‘ng amalga oshirilgani ta’kidlandi.
AQSH Suriyaga nisbatan ilk mudofaa savdosi cheklovini 1979-yil 29-dekabrda kuchga kiritgan edi.
