CNN muxbiri Morin O'Xeyr tomonidan yozilgan maqolada İGA Istanbul aeroportining global aviatsiya sohasidagi jadal yuksalishi va uning ulkan imkoniyatlari atroflicha yoritildi.

Tarixiy Markazdan – Osmon Hukmronligigacha

Maqolada Istanbul qadimdan Buyuk Ipak yo'lining asosiy savdo markazi bo'lib kelgani, bugungi kunda esa XXI asr osmonida global aviatsiyaning yuragiga aylangani ta'kidlanadi.

Global sayohat ma'lumotlari provayderi OAG tomonidan e'lon qilingan Megahubs 2026 indeksiga ko'ra, Istanbul aeroporti Londondagi Heathrow aeroportini ortda qoldirib, dunyodagi eng yaxshi bog'lanishga ega (megahub) aeroport deb topildi. Reytingda uchunchi o'rinni Amsterdamning Schiphol, to'rtinchi o'rinni Kuala-L Lumpur va beshinchi o'rinni Chikagoning O'Hare aeroportlari egalladi.

Manhettendan Kattaroq Maydon va Ulkan Imkoniyatlar

• Noyob Masshtab: 2018-yilda 12 milliard dollar qiymatida ishga tushirilgan aeroport o'zining tezkor rivojlanishi bilan tahsinga sazovor. Uning bir tom ostida joylashgan 1,4 million kvadrat metrlik terminali dunyodagi eng yirik hisoblanadi. Umumlashgan maydoni esa 76,5 million kvadrat metrni tashkil etib, hatto Manhettendan ham kattaroqdir.

• Yo'lovchi Oqimi: Hozirgi kunda yiliga 84 milliondan ortiq yo'lovchiga xizmat ko'rsatayotgan aeroportning kelajakdagi uzoq muddatli maqsadi bu ko'rsatkichni yiliga 200 million yo'lovchigacha yetkazishdir.

Kelgusi Yillarda Raqibsiz Bo'ladi

Maqolada fikr bildirgan OAG bosh tahlilchisi Jon Grantning ta'kidlashicha, Istanbul aeroporti kuchli uchish-qo'nish yo'lagi sig'imi, Türk Hava Yollarining global tarmog'i hamda Markaziy Osiyo kabi jadal rivojlanayotgan bozorlarga yaqinligi tufayli kelgusi yillarda o'z segmentida raqibsiz qoladi.

İGA Istanbul aeroporti bosh direktori Selahattin Bilgen bu yutuq ularning global aviatsiya markazi sifatidagi mavqeini mustahkamlaganini qayd etib, bugungi kunda dunyo bo'ylab 350 ga yaqin manzilga parvozlar amalga oshirilayotgani va tarmoq yanada kengaytirilishini bildirdi.