Mahalliy rasmiylarga ko‘ra Isroil kuchlari chorshanba kuni (06.05.2026) ishg‘ol ostidagi G‘arbiy Sohilda falastinlik kamida 17 kishini nazorat ostiga oldi. Ular orasida ikki nafar ayol kishi bilan bir nafar yosh bolaning borligi aniqlandi.

Mahbuslar Media ofisi bayonotida aytilishicha Isroil askarlari G‘arbiy Sohilning bir necha hududida bosqin uyushtirib, kamida 17 kishini nazorat ostiga oldi va ular orasida ikki nafar ayol kishi bilan bir nafar yosh bola ham bor.

Ofis ma’lumotiga ko‘ra amaliyotlar davomida harbiylar uylarga bostirib kirgan, mulklarni tintuv qilgan va buyumlarga ziyon yetkazgan. Bosqinlar asosan Nablus, Baytullohim, al - Xalil va Ramallohda kuzatilgan.

Boshqa bir voqeada esa mahalliy rasmiylardan Abdulloh Avad, Isroil kuchlari Ramallohning shimoli - sharqidagi Turmus Ayya shaharchasining barcha kirish yo‘llarini tuproq uyumlari bilan to‘sib, uni atrof hududlardan ajratib qo‘yganini bildirdi.

Avadning so‘zlariga ko‘ra Isroil kuchlari tong saharda harbiy buldozerlar orqali shaharchaga bostirib kirib, asosiy, yordamchi va qishloq xo‘jaligi yo‘llari hamda barcha kirish - chiqish yo‘llarini to‘sib qo‘ygan.

Mahalliy ma’lumotlarga ko‘ra Turmus Ayyada taxminan 4 ming aholi yashaydi.

Yo‘llarning yopilish sababi hozircha aniq emas.

Ramalloh g‘arbidagi Shuqba qishlog‘ida esa Isroil kuchlari ruxsatsiz qurilganini iddao etgan holda falastinliklardan birining uyini buzib tashladi. Mahalliy kengash rahbari Adnan Shalash: “Isroil kuchlari buldozerlar orqali hududga bostirib kirib, uyni buzishni boshladi”, - dedi.

Rasmiy Mustamlakachilik va devor siyosatiga qarshi kurash komissiyasi ma’lumotiga ko‘ra Isroil hukumati aprel oyida 37 ta buzish amaliyotini amalga oshirgan. Natijada yashab turgan uylar va qishloq xo‘jaligi inshootlari ham bo‘lgan 78 ta Falastin obyekti nishonga olingan.

Falastinlik rasmiylariga ko‘ra bosib olingan G‘arbiy Sohil hududi Isroilning 2023 - yilning oktabri oyida G‘azoga qarshi genotsid urushini boshlatganidan buyon qotilliklar, hibsga olishlar, uylarni buzish va noqonuniy manzilgohlarni kengaytirishni o‘z ichiga olgan doimiy keskinlikka guvoh bo‘lmoqda.

Rasmiy Falastin ma’lumotlariga ko‘ra shu davr ichida kamida falastinlik 1 ming 155 kishi halok bo‘lgan, qariyb 11 ming 750 kishi yaralangan va taxminan 22 ming nafar inson hibsga olingan.

Birlashgan Millatlar tomonidan ishg‘ol ostidagi Falastin tuproqlari hisoblagan Sharqiy Quddusda 750 ming noqonuniy yahudiy ko‘chmanchi yashamoqda.