Turkiya Respublikasi Prezidenti Administratsiyasi huzuridagi axborot va kommunikatsiyalar boshqarmasi boshlig‘i Burhanettin Duran noto‘g‘ri ma’lumotlarga qarshi kurashish maqsadida sun’iy intellekt tizimlarini o‘rgatish va ularga ma’lumot yetkazish usullarini mustahkamlashga qaratilgan hukumat tashabbusini e’lon qildi.

Burhanettin Duran chorshanba kuni (15.04.2026) bergan ma’lumotda, sun’iy intellekt modellariga tasdiqlanmagan iddaolar o‘rniga tekshirilgan ma’lumotlar yuborilishini ta’minlash uchun ishonchli ma’lumot kiritmalarini ishlab chiqishni boshlaganini ifoda etdi.

Ushbu sa’y - harakatlar doirasida joriy oy tayyorlangan ma’lumotlar to‘plami beshta yirik til modeli sinovlarida qo‘llanildi.

Natijalar global sun'iy intellekt tizimlari dezinformatsiyaga qarshi turishda hali ham zaif tomonlari borligini ko‘rsatdi va mustahkam hamda ishonchli ma'lumot manbalariga bo‘lgan ehtiyojni yoritdi.

Ishonchli sun'iy intellekt bilim bazasini yaratish

Duranning aytishicha Turkiya rasmiy dezinformatsiya byulletenlarini sun'iy intellekt tizimlari uchun asosiy ma'lumot manbaiga aylantirishni maqsad qilgan; bu tasdiqlanmagan iddaolarning tarqalishini oldini olishga va zaif yoki chalg‘ituvchi ma'lumotlar orqali manipulyatsiyani cheklashga yordam beradi.

Uning qo‘shimcha qilishicha, maqsad — muhim mavzular bo‘yicha tasdiqlangan ma'lumotlarga to‘g‘ridan - to‘g‘ri kirishni kuchaytirish va sun'iy intellekt tomonidan yaratilgan noto‘g‘ri ma'lumot xavfini kamaytirishdir.

Turkiyaning kengroq raqamli maqsadi

Ushbu tashabbus Rejep Tayyip Erdo‘g‘an boshchiligida Turkiyani faqat texnologiya iste'molchisi emas, balki uning qanday ishlab chiqilishi va tatbiq etilishini shakllantiruvchi mamlakat sifatida ko‘rsatish borasida kengroq harakatni aks ettiradi.

Duranning aytishicha, Anqara haqiqat va ishonch asosida shakllangan raqamli strategiyaga sodiq qolmoqda, bu esa sun'iy intellekt boshqaruvi va axborot butunligi bo‘yicha global munozarada yanada faol rol o‘ynashga ishora qiladi.