Eron Saudiya Arabistoni, Birlashgan Arab Amirliklari (BAA), Bahrayn, Qatar va Iordaniyani AQSh va Isroilning o‘z hududiga qaratilgan hujumlarida ishtirok etganlikda ayblab, ushbu davlatlardan tovon puli talab qildi.
Dushanba kuni (13.04.2026) Birlashgan Millatlar Tashkiloti (BMT) Bosh kotibi Antoniu Guterrish hamda BMT Xavfsizlik kengashi raisi Jamal Fares Alrovaiei nomiga yo‘llangan maktubda, Eronning BMTdagi elchisi Amir Said Iravani, yuqorida nomi tilga olingan davlatlar AQSh bilan Isroilning Eronga qarshi uyushtirgan hujumlariga imkon yaratib, “xalqaro majburiyatlarini buzganini” ta’kidladi. Iravani bu davlatlar javobgarlikka tortilishi va urush davomida yetkazilgan ziyonlar uchun tovon to‘lashi kerakligini bildirdi.
Mintaqaviy mojarolar va og‘ir talafotlar
Mintaqadagi keskinlik 28 - fevral kuni AQSh bilan Isroilning Eronga qarshi uyushtirgan qo‘shma havo hujumlari bilan avj olgan edi. Tehron esa o‘tgan hafta e’lon qilingan ikki haftalik sulh oldidan javoban Isroil, Iroq, Iordaniya hamda AQSh harbiy kuchlari joylashgan Fors ko‘rfazi mamlakatlariga zarbalar bergan. Ushbu to‘qnashuvlar natijasida minglab inson halok bo‘lar ekan, yana minglab inson tan jarohati oldi.
Diplomatik urinishlar samara bermadi
Diplomatik maydonda esa Eron va AQSh delegatsiyalari yakshanba kuni (12.04.2026) erta tongda Pokiston poytaxti Islomobodda 21 soat davom etgan muzokaralarni yakunladi. Biroq tomonlar o‘rtasida kelishuvga erishilmagani ma’lum qilindi.
