Fransiya terma jamoasi muddatidan avval Jahon chempionatining pley-off bosqichiga yo‘llanmani qo‘lga kiritdi.

Filadelfiyada Iroq ustidan qozonilgan 3:0 hisobidagi g‘alabada o‘zining 100-xalqaro o‘yinini nishonlagan Kilian Mbappe dubl qayd etdi, Usmon Dembele esa yana bir golga mualliflik qildi.

Shu tariqa, Dide Desham shogirdlari guruh bosqichida ketma-ket g‘alabalarga erishib, o‘z maqsadlarini muddatidan avval bajardilar.

Uchrashuv davomida noqulay ob-havo sharoiti kuzatildi. Birinchi bo‘limdan so‘ng, Fransiya 1:0 hisobida oldinda borayotgan bir paytda, kuchli yomg‘ir tufayli o‘yin vaqtincha to‘xtatildi.

FIFA qoidalariga ko‘ra, chaqmoq 8 mil radiusda aniqlangan taqdirda, o‘yin to‘xtatilishi va tomoshabinlar stadion xavfsiz hududlariga evakuatsiya qilinishi shart.

Har bir yangi chaqmoq chaqishi bilan 30 daqiqalik xavfsizlik hisoblagichi qaytadan ishga tushishi sababli, minglab yomg‘ir po‘shlilaridagi muxlislar tribunani tark etib, stadionning ichki yo‘laklariga o‘tishga majbur bo‘lishdi.