Mahalliy manbalardan olingan ma’lumotlarga ko‘ra Isroil armiyasi 2025 - yilning 10 - oktabrida erishilgan sulhga qaramay G‘azo sektorining janubiy, markaziy va shimoliy hududlarida hujumlarini davom ettirdi.
Xon Yunusda tinch aholiga qarshi o‘q uzildi
Isroil askarlarining G‘azo janubidagi Xon Yunus shahriga qarashli Hamed hududida tinch aholiga qarshi o‘q uzishi oqibatida 3 kishi yaralandi. Ulardan birining ayol kishi ekani aniqlandi.
Shaharning Amal mahallasiga uyushtirilgan artilleriya hujumida ham 2 kishi yaralandi.
Isroil armiyasi lagerlarda falastinliklar boshpana topgan chodirlarni nishonga oldi
G‘azo sektorining markaziy qismidagi Burayj va Mag‘oziy qochqinlar lagerlarida esa Isroil askarlari ko‘chirilgan falastinliklar joylashgan chodirlarga qarshi o‘q uzdi. Hujumda dastlabki ma’lumotlarga ko‘ra 2 kishi yaralandi.
Burayj qochqinlar lagerida «Abu ar - Ravs» oilasi istiqomat qilgan uy ham Isroil artilleriyasi tomonidan nishonga olindi. Kamida 2 kishi yaralangan hujum ortidan uyda yong‘in chiqdi, atrofdagi hududlarga ham kuchli artilleriya o‘qlari yog‘dirildi.
Isroil armiyasi, shuningdek, Jabaliya shaharchasiga qarshi artilleriya hujumlarini davom ettirdi.
Dengizdan ham o‘t ochildi
G‘azo sektorining shimolida esa Isroil armiyasiga tegishli harbiy katerlardan G‘azo shahrining sohil hududiga qarshi pulemyotlardan o‘q uzildi.
Taxminan 2 soat davom etgan hujumlarda halok bo‘lgan yoki yaralanganlar haqida ma’lumot berilmadi.
