Turkiya, Turk Davlatlari Tashkiloti (TDT)ga a’zo mamlakatlar o‘rtasidagi Raqamli iqtisodiyot hamkorlik bitimi bo‘yicha ichki tasdiqlash jarayonini yakunlab, raqamli savdo va iqtisodiy integratsiya uchun yangi huquqiy asos yaratilishiga hissa qo‘shdi.
Turkiya Savdo vazirligi ma’lum qilishicha, “Turk Davlatlari Tashkilotiga a’zo davlatlar hukumatlari o‘rtasidagi Raqamli iqtisodiyot hamkorlik bitimi”ni tasdiqlash to‘g‘risidagi qonun seshanba kuni Turkiyaning rasmiy gazetasida e’lon qilindi.
Shu tariqa, Turkiya mazkur bitim bo‘yicha ichki tasdiqlash jarayonini yakunlagan Ozarbayjon va O‘zbekistondan keyingi uchinchi davlat bo‘ldi.
Bitimning kuchga kirishi uchun Qirg‘iziston bilan Qozog‘iston ham ichki tasdiqlash jarayonlarini yakunlashi kerak.
Vazirlikning bildirishicha, bitim Turk davlatlari o‘rtasida elektron tijorat, raqamli xizmatlar va chegaralararo ma’lumotlarga asoslangan iqtisodiy faoliyatdagi to‘siqlarni bartaraf etish ham- da yana - da integratsiyalashgan va barqaror raqamli iqtisodiyot tizimini yaratishni maqsad qilgan.
Bitim savdo va texnologik integratsiyani kuchaytirishi, korxonalarning raqamli bozorlarga kirishini qo‘llab - quvvatlashi, innovatsion texnologiyalardan foydalanishni rag‘batlantirishi va mintaqaning raqobatbardoshligini oshirishi kutilmoqda.
Hujjatda quyidagi yo‘nalishlarga alohida e’tibor qaratilgan: to‘lov va pul o‘tkazmalaridagi to‘siqlarni bartaraf etish; qog‘ozsiz savdo tizimlari; elektron tranzaksiya tizimlari; logistika; elektron hisob - tizimlari; tezkor yetkazib berish xizmatlari; elektron to‘lov tizimlari; milliy yetkazib beruvchilar ma’lumotlar bazalari; elektron imzo; tijorat elektron xabarlari; onlayn iste’molchilar huquqlarini himoya qilish; shaxsiy ma’lumotlar xavfsizligi.
Shuningdek, bitim kichik va o‘rta biznesni rivojlantirish, moliya va texnologiyalar sohasi, kiberxavfsizlik ham - da raqobat siyosati kabi yo‘nalishlarda ham hamkorlikni nazarda tutadi.
Mazkur bitim 2024 - yilning 6 - noyabri kuni Bishkek shahrida bo‘lib o‘tgan Turk davlatlari tashkilotining 11 - sammitida, Turkiya Prezidenti Rejep Tayyip Erdo‘g‘an ishtirokida imzolangan edi.
Bitim Turk davlatlari o‘rtasidagi hamkorlikni yana - da chuqurlashtirishi ham - da global raqamli savdo qoidalarining shakllanishiga hissa qo‘shishi kutilmoqda.
