Oliy Harbiy Kengash (YASh) Prezident Erdo‘g‘an raisligida Beshtepeda yig‘iladi.
Ayrim harbiy xizmatchilarning martabasi oshiriladi, boshqalari esa yangi lavozimlarga tayinlanadi. Generallar, admirallar va polkovniklarning xizmat muddatlariga oid hujjatlar ko‘rib chiqiladi.
Oliy Harbiy Kengash yig‘ilishi Prezident Rejep Tayyip Erdo‘g‘an raisligida o‘tkaziladi.
Beshtepedagi yig‘ilish Oliy Harbiy Kengash a’zolarining Anitqabrga tashrifidan so‘ng boshlanadi.
Prezident Erdo‘g‘an raislik qiladigan yig‘ilishda Adliya vaziri Akin Gurlek, Ichki ishlar vaziri Mustafa Chiftchi va Quruqlikdagi qo‘shinlar qo‘mondoni armiya generali Metin To’kel ilk bor ishtirok etadi.
Oliy Harbiy Kengash yig‘ilishida polkovniklikdan general va admiral unvoniga ko‘tariladigan harbiy xizmatchilar hamda navbatdagi yuqori unvonga ega bo‘ladigan general va admirallarning hujjatlari muhokama qilinadi.
Shtat yetishmasligi va belgilangan yosh chegarasiga yetgani sababli iste’foga chiqariladigan harbiy xizmatchilar aniqlanadi. Martaba oshirish va iste’foga chiqarish masalalari bilan bir qatorda, qo‘shin turlari qo‘mondonliklarida amalga oshirilishi mumkin bo‘lgan lavozim o‘zgarishlari ham ko‘rib chiqilishi kutilmoqda.
Oliy Harbiy Kengash qarorlari Prezident Erdo‘g‘an tasdiqlaganidan so‘ng jamoatchilikka e’lon qilinadi.
