Ukraina Prezidenti Vladimir Zelenskyy Rossiya armiyasi tomonidan 24 - may kuni poytaxt Kiyevga qarshi uyushtirgan kuchli havo hujumi ortidan qidiruv - qutqaruv ishlari davom etayotganini ma’lum qildi.
Zelenskiy Kiyevning ikki tumanida qidiruv - qutqaruv ishlari davom etayotganini bildirgan holda: «Kiyevda qariyb 300 ta bino ziyon ko‘rdi. Ularning ko‘pchiligi turar joy edi» - dedi.
Zelenskiy hujum oqibatida Kiyevda 2 kishi halok bo‘lgani, 87 kishi tan jarohati olgani va ularning 3 nafari yosh bola ekanini qayd etdi.
Ukraina Prezidenti Zelenskiy kechagi hujumlar sababli jami 6 hududga ziyon yetganini ham o‘z so‘ziga ilova etdi.
Rossiya tunda Ukrainaga 262 ta insonsiz havo transporti orqali hujum qildi
Boshqa tomondan Ukraina Harbiy - havo kuchlari qo‘mondonligi tomonidan mavzu haqida yozma ravishda berilgan bayonotda, Rossiya armiyasi kecha tunda mamlakatga qarshi turli rusumdagi 262 ta insonsiz havo transporti orqali hujum uyushtirgani bildirildi.
Bayonotda havo mudofaa kuchlari tomonidan 246 ta insonsiz havo transporti yo‘q qilingani, qolgan insonsiz havo transportlari esa mamlakat bo‘ylab 9 nuqtaga zarba bergani qayd etildi.
Rossiya Mudofaa vazirligi tomonidan 24 - may kuni berilgan bayonotda, Rossiyaga qarshi amalga oshirilgan terror hujumlariga javob tariqasida Ukrainadagi harbiy nishonlarga qarshi havo hujumlari uyushtirilgani haqida ma’lumot berilgandi.
Vazirlik, hujumlarda harbiy nuqtalar va mudofaa sanoati infratuzilmasi nishonga olinganini ifoda etgan bo‘lishiga qaramay Ukraina Prezidenti Vladimir Zelenskiy muzey, bozor, maktab va ko‘p qavatli uylar kabi harbiy bo‘lmagan infratuzilmalarga ham zarba berilganini qayd etdi.
