Ukraina armiyasi yakshanba kuni tongda Kiyevga qarshi amalga oshirilgan ballistik raketa hujumi davom etayotganini ma'lum qildi.
Kiyev meri Vitaliy Klichko Telegram orqali bergan bayonotida: «Poytaxtda havo hujumidan mudofaa kuchlari faoliyat olib bormoqda. Boshpanalarda qoling!» dedi.
AFP muxbirlari portlash ovozlarini eshitganliklari va osmonda bir necha yorqin chaqnashlarni ko‘rganliklarini xabar qildi.
Rossiya tomonidan bir kun avval Ukrainaning markaziy - sharqidagi Dnipropetrovsk ham - da shimoldagi Sumi viloyatlariga qarshi uyushtirilgan hujumlarda ikki kishi halok bo‘ldi.
Bu hujum Ukrainaning Rossiyaning janubi - g‘arbidagi Volgograd va Belgorod hududlari ham - da Moskva nazoratidagi Donetsk viloyatining Horlivka shahriga qarshi uyushtirgan hujumlaridan keyin sodir bo‘ldi.
Hududiy rasmiylarning ma'lum qilishicha, ushbu hujumlarda uch kishi halok bo‘lgan.
Rossiya 2022 - yilning fevral oyida boshlagan keng ko‘lamli urush davomida Ukrainaga deyarli har kuni zarba bermoqda. Bu urush Ikkinchi jahon urushidan beri Yevropadagi eng qonli mojaro hisoblanadi.
Ukraina hujumida qurbonlar
Rossiyaning hujumlariga javoban Ukraina ham so‘nggi oylarda Rossiya hududlari va Moskva bosib olgan hududlarga nisbatan javob tariqasida kuchli hujum uyushtirib kelmoqda.
Rossiyaning Krasnodar o‘lkasi gubernatori Veniamin Kondratyevning ma'lum qilishicha, yakshanba kuni Ukrainaning Rossiya janubiga qarshi uyushtirgan «keng ko‘lamli» dron hujumida bir kishi halok bo‘lgan, yana bir kishi yaralangan va neftni qayta ishlash zavodida yong‘in yuzaga kelgan.
Kondratyev Telegram orqali bergan bayonotida Krasnodar o‘lkasi keng ko‘lamli dron hujumiga uchragani, qulagan dron bo‘laklari bir necha uylarga ziyon yetkazganini bildirdi.
Uning aytishicha, hujumda yaralangan kishiga voqea joyida zarur tibbiy yordam ko‘rsatilgan. Shuningdek, shahardagi neftni qayta ishlash zavodida yong‘in chiqqan, bundan tashqari elektr uzatish tarmog‘i va tabiiy gaz quvuri ham shikastlangan.
