Turkiya Tashqi ishlar vaziri Hakan Fidan Osiyo-Tinch okeani mintaqasiga safari doirasida Indoneziyaga yetib keldi. Vazirlar poytaxt Jakarta shahrida indoneziyalik hamkasbi Sugiono bilan uchrashdi.
Hakan Fidanning Indoneziya yuqori martabali rasmiylari bilan muzokaralari davomida ikki davlat o‘rtasidagi hamkorlikni kengaytirish, savdo va mudofaa aloqalarini mustahkamlash, shuningdek, mintaqaviy hamda global xavfsizlik muammolarini muhokama qilish ko‘zda tutilgan.
Tarixiy aloqalarni chuqurlashtirish
Turkiya Indoneziya mustaqilligini tan olgan birinchi davlatlardan biri hisoblanadi. Ikki mamlakat o‘rtasida diplomatik munosabatlar 1950-yilda o‘rnatilgan bo‘lib, Turkiyaning Jakartadagi elchixonasi 1957-yilda ochilgan.
Turkiya va Indoneziya o‘rtasidagi Yuqori darajadagi strategik hamkorlik kengashi 2022-yilda, Turkiya Prezidenti Rejep Tayyip Erdog‘anning G20 sammiti doirasida Baliga uyushtirgan tashrifi chog‘ida tashkil etilgan edi.
