Kobul hafta oxirida Pokiston shimolida 15 nafar politsiya xodimining o‘limiga yo‘l ochgan hujum Afg‘oniston hududida rejalashtirilgani haqidagi iddaolarni rad etib, “haqiqiy hamkorlik”ka chaqirdi.
Afg‘oniston hukumati Matbuot xizmati kotibi Zabihulloh Mujohid, dushanba kuni (11.05.2026) Pokistonning Xaybar Pahtunhva viloyatida yuz bergan hujumni Afg‘onistonda yashovchi terrorchilar amalga oshirgani haqidagi iddaolari qabul qilmadi.
Mujohid kecha (12.05.2026) mavzu haqida X platformasi orqali bergan bayonotida: “Afg‘oniston muammolarni ayblovlar va tahdidlar orqali emas; balki o‘zaro tushuncha, hurmat va haqiqiy hamkorlik yo‘li bilan hal qila olishiga ishonchi komil”, - dedi.
U, shuningdek, Afg‘oniston hududi dunyoning hech qaysi davlatiga qarshi foydalanilmasligi va mintaqa xavfsizligi bilan barqarorligiga putur yetkazadigan harakatlarga aslo ruxsat berilmasligini ta’kidladi.
Pokistonda kuchayib borayotgan hujumlar
Pokiston, shanba kuni (09.05.2026) shimoliy viloyatda yuz bergan va politsiya xodimlarining o‘limiga yo‘l ochgan hujum ortidan dushanba kuni (11.05.2026) Afg‘onistonga diplomatik tarzda norozilik bildirdi.
Pokiston tergoviga ko‘ra dalillar va texnik razvedka ma’lumotlari hujum Afg‘onistonda joylashgan terrorchilar tomonidan amalga oshirilganini ko‘rsatmoqda.
Pokiston Tashqi Ishlar vazirligi, shuningdek, “Afg‘oniston hududidan Pokistonга qarshi terrorchilik hujumlari uyushtirish uchun foydalanilishda davom etayotgani” jiddiy xavotir tug‘dirayotganiga e’tibor qaratdi.
Vazirlik bayonotida, Pokiston ushbu vahshiyona harakat aybdorlariga qarshi qat’iy javob qaytarish huquqini yashirin tutgani qayd etildi.
Pokistonda oxirgi yillarda zo‘ravonlik hodisalari avj oldi va ko‘plab hujumlar Islomobod tomonidan Afg‘oniston tuproqlarida faoliyat ko‘rsatgani aytilgan Tahrik - iy - Tolibonga yuklandi ammo Afg‘oniston bu ayblovlarni rad etmoqda.
