Zelenskiy ijtimoiy tarmoqdagi sahifasida bergan bayonotida, armiya, hukumat va xavfsizlik idoralari vakillari bilan uchrashib, frontdagi so‘nggi vaziyatni muhokama qilganini ma’lum qildi.
Uning ta’kidlashicha, Donetsk viloyatidagi Konstantinivka va Slovyansk shaharlari yo‘nalishidagi front chizig‘ida Ukraina armiyasi amalga oshirishi lozim bo‘lgan qadamlar, shuningdek, Ukraina Qurolli Kuchlaridagi shaxsiy tarkib bilan bog‘liq masalalar muhokama qilingan.
Zelenskiy, shuningdek, Rossiya hujumlaridan Ukraina infratuzilmasini himoya qilish bo‘yicha qo‘shimcha choralarni amalga oshirish masalalari ham ko‘rib chiqilganini qayd etdi.
Zelenskiyning aytishicha, ittifoqchi davlatlardan Ukraina uchun havo mudofaa tizimlariga zarur bo‘lgan raketalar yetkazib berilishi sezilarli darajada kamaygan.
U mavzu haqida shunday dedi: «Havo mudofaasi uchun yetkazib berilgan raketalar soni 2025-yilga nisbatan 3 barobar kamaydi. Gap nafaqat bu yoz haqida, balki 2026-yilning birinchi yarmidagi barcha davrlar haqida ketmoqda. Ittifoqchilarda raketalar bor»
Zelenskiy Rossiyadagi neft inshootlariga qarshi hujumlarni davom ettirayotganini bildirib, shunday baho berdi: «Tajovuzkor uchun urushning cho‘zilish narxi oshadi».
