Hakan Fidan 31 - iyul kuni Saudiya Arabistoni Tashqi Ishlar vaziri Faysal bin Farhon bilan telefon orqali muloqot qildi.

Suhbat davomida mintaqadagi so‘nggi vaziyat hamda davom etayotgan mojarolarni to‘xtatish uchun olib borilayotgan sa’y - harakatlar muhokama qilindi.

1 - avgust kuni Eron Tashqi Ishlar vaziri Abbos Aroqchi bilan ham muloqot qilgan Hakan Fidan, eronlik hamkasbi bilan olib borilayotgan muzokaralar jarayonining so‘nggi holatini baholaganliklarini ma’lum qildi.

Fidan muloqot chog‘ida: «Turkiya mintaqamizdagi mojarolarni to‘xtatish va butunlay tinchlik o‘rnatish yo‘lidagi sa’y - harakatlarini davom ettiradi» - dedi.

Kecha, 3 - avgust kuni, Quvayt Tashqi ishlar vaziri Jarroh Jobir al - Ahmad as - Saboh bilan telefon orqali muloqot qilgan Hakan Fidan, quvaytlik hamkasbi bilan mintaqadagi so‘nggi vaziyatlarni muhokama qildi.

Yana shu kuni Hakan Fidan Shimoliy Makedoniya Turk Demokratik partiyasi raisi Zulfikar Zaynula bilan ham telefon orqali suhbatlashib, uni Davlat vaziri lavozimiga tayinlangani munosabati bilan tabrikladi va yangi vazifasida muvaffaqiyat tiladi.

Tashqi Ishlar vaziri o‘sha kuni Buyuk Britaniyaning yangi Tashqi Ishlar vaziri Ed Miliband bilan ham muloqot qildi.

Hakan Fidan britaniyalik hamkasbini yangi lavozimi bilan tabriklar ekan, ular G‘azo bosh bo‘lish bilan birga Yaqin Sharqdagi vaziyat, Rossiya – Ukraina urushidagi oxirgi holatlar hamda mintaqada davom etayotgan mojarolarni to‘xtatishga qaratilgan sa’y - harakatlarni muhokama qildilar.

Bundan tashqari, Hakan Fidan bir qator oliy darajali rasmiylar bilan yuzma - yuz uchrashuvlar ham o‘tkazdi.